Список публикаций по ключевому слову: «independent work of the student»
-
Медицина университетĕнче вĕренекенсен вĕренӳпе ăслăлăхра кирлĕ хăй тĕллĕнлĕхне вĕсен шухăше кура аталантарасси
Научная статья
Вĕренӳ аталанăвĕ Том 5 № 4- Автор:
- Григолашвили Марина Арчиловна, Епифанцева Елена Валериевна, Семенихина Полина Сергеевна
- Рубрика:
- Педагогика тата хальхи вĕренӳ
- Аннотаци:
- Кӳртĕм. Болон процесне хутшăнса Казахстан прогресс çулĕпе кайса реформăсем тăвать. Кунта çĕр-шывăн çын капиталне пысăклатассине витĕм кӳрекен медицина вĕренĕвĕ те кĕрет. Пĕтĕм пурнăç тăршшĕпе вĕренекен профессионал çыннăн аталанăвĕ хальхи вĕренĕвĕн тĕп енĕсемпе килĕшсе тăрать. Ку процесăн тĕп шăнăрне тытса пыракансем аслă шкулсен организацийĕсем пулса тăраççĕ. Ыйтăва тĕпченин паян кунхи пĕлтерĕшлĕхĕ. Харпăр хăй тĕллĕн вĕренмелли сехет шутне улăштарни çынна кирлĕ информацие хăй тĕллĕн шырама хистекен, пурнăç тăршшĕ пĕлÿ пухма кирлĕ хăнăхăва туянтаракан тĕп меслет пулса тăрать. Тĕпчевĕн тĕллевĕ «Краганда медицина университечĕ» Наци вĕренÿ академийĕн студенчĕсем кашни хăй тĕллĕн вĕренсе пĕлӳ илес пирки мĕн шухăшланине пĕлесси, Болон процесне кĕнĕ чух тата вĕренекенсене хăйсем тĕллĕн вĕрентме тата ăслăлăх тĕпчевне явăçтарма пулăшакан меслете йышăннă май тĕл пулакан йывăрлăхсене тупасси пулнă. Материал тата тĕпчев меслечĕсем. 3‒7 курссенче тата резидентурăра вĕренекен 426 çын хушшинче 20 ыйтуллă анкетăсемпе анкетировани ирттерсе çамрăксем специалист пулас тесе харпăр хăй тĕллĕн тата малашне те тăтăшах вĕренме пулăшакан меслетлĕх çинчен мĕн шухăшланине ыйтса пĕлнĕ. Тĕпчев результачĕсем тата вĕсене сӳтсе явни. Студентсен чи пысăк ушкăнĕ, харпăр хăй тĕллĕн, хастарлăх кăтартса тата меслетĕн тĕллевне уçăмлă ăнланса вĕренет, вĕренӳ литературине акăлчанла çырнă çăл куçне ăша хывать, пратика ĕçĕсене пĕчĕк ушкăнсенче тăвать. Ăслăлăх информацине шырас тата презентацилес хăнăхăва студентсен çурринчен сахалрах пайĕ «вăтам» паллă лартса хаклать, чĕрĕке яхăнĕ аван тет. Пĕлӳ шайне çĕклес тата информаципе ĕçлес хăнăхăва студентсен çурринчен ытларахăшĕ уççăнах кăмăллать. Пĕтĕмлетÿсем. Ирттернĕ тĕпчев кăтартăвĕ тăрăх, Краганда медицина университечĕ» Наци вĕренÿ академийĕ вĕренĕвĕн çĕнĕ требованийĕсене вĕренÿ пахалăхне ÿстерсе вăя кĕртсе пырать. Аслă вĕренĕве студентсемпе лайăх хутшăну тăвас енчен малалла та лайăхлатмалла. Çак тĕллевпе прогресс патне илсе пыракан çул çинче тĕл пулакан чăрмавсене сирсе ямалла, студентсен хăйсем тĕллĕн вĕренес кăмăлне çĕклемелле.
- Тӗп сӑмахсем:
- Казахстан, студент хăй тĕллĕн ĕçлени, ăслăлах тĕпчев ĕçĕ, аслă пĕлÿ тытăмĕ, Болон процесĕ, медицина пĕлĕвĕ